ເອກະສານ ການຍື່ນຊອງປະມູນວົງແຄບ ຫຼື ການສົມທຽບລາຄາ ບໍ​ລິ​ການ ການ​ຈັດ​ພິມ

ເອກະສານ ການຍື່ນຊອງປະມູນວົງແຄບ ຫຼື ການສົມທຽບລາຄາ ບໍ​ລິ​ການ ການ​ຈັດ​ພິມ (ໄລຍະເວລາຂອງສັນຍາແມ່ນ 12 ເດືອນ)

1. ສປປ ລາວ ໄດ້ຮັບທຶນຊ່ວຍເຫຼືອທາງດ້ານການເງິນ ຈາກທະນາຄານໂລກ ແລະ ປະເທດອົດສະຕາລີພາຍໃຕ້ໂຄງກາ​ນສົ່ງເສີມຄວາມສາມາດໃນການແຂ່ງຂັນ ແລະ ການຄ້າຂອງ ສປປ ລາວ (Lao PDR Competitiveness and Trade Project – LCTP) ຈຳນວນ 13 ລ້ານໂດລາ ແລະ ມີຈຸດປະສົງເພື່ອນຳໃຊ້ທຶນສ່ວນໜຶ່ງ ເພື່ອດຳເນີນການປະມູນລາຄາການຈັດພິມດ້ວຍການສະເໜີໃຫ້ຍື່ນ (ການສົມທຽບລາຄາ ຫຼືປະມູນວົງແຄບ).
2. ໜ່ວຍງານຈັດຕັ້ງປະຕິບັດໂຄງການ ຂໍຖືເປັນກຽດເຊີນບັນດາບໍລິສັດທີ່ມີຄວາມສົນໃຈ ແລະ ມີເງື່ອນໄຂຄົບຖ້ວນເຊັ່ນ: ມີໃບອະນຸຍາດດຳເນີນທຸລະກິດ, ໃບທະບຽນອາກອນຖືກຕ້ອງຕາມກົດຫມາຍ, ຢູ່ໃນຂອບເຂດທົ່ວປະເທດເຂົ້າຍື່ນຊອງສົມທຽບລາຄາ ສຳລັບການປະມູນລາຄາການຈັດພິມ (ໄລຍະເວລາຂອງສັນຍາແມ່ນ 12 ເດືອນ).
3. ການປະມູນໃນຄັ້ງນີ້ ຈະດຳເນີນຕາມຂັ້ນຕອນການປະມູນວົງແຄບ/ສົມທຽບລາຄາ ທີ່ໄດ້ກຳນົດໄວ້ຢູ່ໃນກົດໝາຍວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ ສະບັບເລກທີ 30/ສພຊ, ລົງວັນທີ 2 ພະຈິກ 2017 ແລະ ຄຳແນະນຳກ່ຽວກັບການຈັດຕັ້ງປະຕິບັດກົດໝາຍວ່າດ້ວຍ ການຈັດຊື້-ຈັດຈ້າງດ້ວຍທຶນຂອງລັດ ສະບັບເລກທີ 0477/ກງ, ລົງວັນທີ 13 ກຸມພາ 2019.
4. ບໍລິສັດທີ່ມີເງື່ອນໄຂຄົບຖ້ວນ ແລະ ມີຄວາມສົນໃຈປະມູນ ສາມາດ ດາວໂຫຼດເອກະສານປະມູນ ໂດຍບໍ່ເສຍຄ່າໃຊ້ຈ່າຍ​ຕາມ​ຂໍ້​ມູນລຸ່ມນີ້ ​ຫຼື ສາມາດຕິດຕໍ່ພົວພັນສອບຖາມຂໍ້ມູນ ເລີ່ມແຕ່ ວັນທີ 10 ມີຖຸນາ 2020 ໃນໂມງລັດຖະການ ທີ່ພະແນກຄຸ້ມຄອງການຈັດຕັ້ງປະຕິບັດໂຄງການຊ່ວຍເຫຼືອຂອງຕ່າງປະເທດ (NIU), ກົມແຜນການແລະການຮ່ວມມື, ກະຊວງອຸດສາຫະກຳ ແລະ ການຄ້າ, ຖະໜົນໂພນໄຊ, ບ້ານໂພນໄຊ, ເມືອງ ໄຊເສດຖາ, ນະຄອນຫຼວງວຽງຈັນ, ສປປ ລາວ. ໂທລະສັບ/ແຟັກ: 021 413916, ອີເມວ: paliphon.b@laosaft.org, thanakone.o@laosaft.org.
5. ຊອງປະມູນຕ້ອງສົ່ງເຖິງ ທີ່ຢູ່ຂ້າງເທິງນີ້ີ້, ກ່ອນເວລາ 14:00 ໂມງ ຂອງ ວັນທີ 24 ມິຖຸນາ 2020. ຊອງປະມູນໃດທີ່ສົ່ງຊ້າ   ກ່ວາເວລາທີ່ກຳນົດແມ່ນຈະຖືກຕັດສິດ ແລະ ຈະສົ່ງຄືນໂດຍບໍ່ມີການເປີດຊອງ.
6. ຊອງປະມູນທຸກໆຊອງຈະເປີດໃນເວລາ 14:05 ໂມງ ຂອງ ວັນທີ 24 ມິຖຸນາ 2020 (ສະຖານທີ່ແມ່ນລະບຸໄວ້ຂ້າງເທິງນີ້) ໂດຍຊ້ອງຫນ້າຄະນະກຳມະການປະມູນ ແລະ ຕົວແທນຂອງຜູ້ເຂົ້າແຂ່ງຂັນປະມູນທີ່ສົນໃຈ ເຂົ້າຮ່ວມນຳ.