ພິທີປະກາດການນຳໃຊ້ຮ່າງແບບຟອມຂອງສານທີ່ຕິດພັນກັບກົດໝາຍ ວ່າດ້ວຍ ການຟື້້ນຟູ ແລະ ການລົ້ມລະລາຍຂອງວິສາຫະກິດ

ໃນວັນທີ 20 ມັງກອນ 2023 ທີ່ໂຮງແຮມ ເມືອງແທັງ, ນະຄອນຫຼວງວຽງຈັນ ຄະນະສານການຄ້າ ຂອງສານປະຊາຊົນສູງສຸດ ໄດ້ຈັດພິທີປະກາດການນຳໃຊ້ຮ່າງແບບຟອມຂອງສານທີ່ຕິດພັນກັບກົດໝາຍວ່າດ້ວຍການຟື້້ນຟູ ແລະ ການລົ້ມລະລາຍຂອງວິສາຫະກິດ ເພື່ອຈັດຕັ້ງປະຕິບັດກົດໝາຍວ່າດ້ວຍການຟື້ນຟູ ແລະ ການລົ້ມລະລາຍຂອງວິສາຫະກິດພາຍໃຕ້ການສະໜັບສະໜູນຂອງ ໂຄງການສົ່ງເສີມຄວາມສາມາດ ໃນການແຂ່ງຂັນ ແລະ ການຄ້າ ຂອງ ສປປ ລາວ (LCT), ໂດຍການເປັນປະທານຂອງທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ພິທີປະກາດການນຳໃຊ້ຮ່າງແບບຟອມຂອງສານທີ່ຕິດພັນກັບກົດໝາຍວ່າດ້ວຍ ການຟື້້ນຟູ ແລະ ການລົ້ມລະລາຍຂອງວິສາຫະກິດໃນຄັ້ງນີ້ ມີຜູ້ເຂົ້າຮ່ວມທັງໝົດຈຳນວນ 48 ທ່ານ,ໃນນັ້ນປະກອບມີຜູ້ພິພາກສາ ເຂົ້າຮ່ວມຈາກສານປະຊາຊົນສູງສຸດ, ຄະນະສານການຂອງສານປະຊາຊົນພາກກກາງ ແລະ ຄະນະສານການຄ້າຂອງສານປະຊາຊົນ ນະຄອນຫຼວງວຽຈັນ ແລະ ແຂກຮັບເຊີນ ຈາກ ພາກສ່ວນໂຄງການ, ກົມສົ່ງເສີມການລົງທຶນ ກະຊວງແຜນການ, ກົມແຜນການ ແລະ ການຮ່ວມມື ກະຊວງອຸດສາຫະກໍາ ແລະ ການຄ້າ, ກົມກົດໝາຍ ກະຊວງຍຸຕິທໍາ ແລະ ຜູ້ຄວບຄຸມຊັບສິນ, ທະນາຄານແຫ່ງ ສປປ ລາວ, ສະພາການຄ້າ ແລະ ອຸດສາຫະກຳ ແຫ່ງ ສປປ ລາວ ແລະ ຈາກພາກສ່ວນເອກະຊົນ

ຈຸດປະສົງຂອງກອງການຈັດພິທີປະກາດການນຳໃຊ້ຮ່າງແບບຟອມຂອງສານທີ່ຕິດພັນກັບກົດໝາຍວ່າດ້ວຍ ການຟື້້ນຟູ ແລະ ການລົ້ມລະລາຍຂອງວິສາຫະກິດ ໃນຄັ້ງນີ້ ແມ່ນເພື່ອແນໃສ່ ການຈັດຕັ້ງປະຕິບັດກົດໝາຍວ່າດ້ວຍ ການຟື້້ນຟູ ແລະ ການລົ້ມລະລາຍຂອງວິສາຫະກິດ, ຊຶ່ງເປັນເຄື່ອງມືທີ່ສຳຄັນໃນການດຳເນີນຄະດີ ໃຫ້ແກ່ພະນັກງານສານ, ວິສາຫະກິດລູດໜີ້, ເຈົ້າໜີ້ ແລະ ບຸກຄົນອື່ນທີ່ກ່ຽວຂ້ອງ, ເພື່ອໃຫ້ການແກ້ໄຂບັນຫາມີຄວາມເປັນເອກະພາບ, ງ່າຍດາຍ, ວ່ອງໄວ, ຮັບປະກັນຜົນປະໂຫຍດອັນຊອບທຳ, ສ້າງຄວາມເຊື່ອໝັ້ນໃຫ້ແກ່ລະບົບສິນເຊື່ອ ແນ່ໃສ່ຮັກສາຄວາມໝັ້ນຄົງຂອງລະບົບເສດຖະກິດ ໃຫ້ໄດ້ຮັບຮູ້ ແລະ ເຂົ້າໃຈ ຕໍ່ຮ່າງແບບຟອມດັ່ງກ່າວ. ທັງໝົດນີ້ກໍແມ່ນເພື່ອສ້າງເງື່ອນໄຂ ແລະ ອໍານວຍຄວາມສະດວກໃຫ້ແກ່ການດຳເນີນທຸລະກິດ ຢູ່ ສປປ ລາວ ພາຍໃຕ້ຄຳສັ່ງຂອງນາຍົກລັດຖະ ມົນ ຕີ ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານໃນການດຳເນີນທຸລະກິດ ຢູ່ ສປປ ລາວ, ສະບັບເລກທີ 02/ນຍ, ລົງວັນທີ 01 ກຸມພາ 2018.

ໃນພິທີປະກາດການນຳໃຊ້ຮ່າງແບບຟອມຂອງສານທີ່ຕິດພັນກັບກົດໝາຍວ່າດ້ວຍ ການຟື້້ນຟູ ແລະ ການລົ້ມລະລາຍຂອງວິສາຫະກິດ ແມ່ນໄດ້ຮັບຟັງການນຳສະເໜີກ່ຽວກັບປະຫວັດຄວາມເປັນມາ ແລະ ການສ້າງຮ່າງແບບຟອມພ້ອມດຽວກັນນັ້ນ ກໍໄດ້ຮັບຟັງ ການແນະນຳໂດຍຫຍໍ້ຂອງການນຳໃຊ້ຮ່າງແບບຟອມຕ່າງໆ

ໃນຕອນທ້າຍຂອງ ພິທີປະກາດການນຳໃຊ້ຮ່າງແບບຟອມຂອງສານທີ່ຕິດພັນກັບກົດໝາຍວ່າດ້ວຍ ການຟື້້ນຟູ ແລະ ການລົ້ມລະລາຍຂອງວິສາຫະກິດ ທ່ານປະທານ ໄດ້ເໜັ້ນໜັກ ໃຫ້ແກ່ພະນັກງານສານເອົາໃຈໃສ່ໃນການດໍາເນີນຄະດີ ໃຫ້ສອດຄ່ອງຕາມລະບຽບກົດໝາຍ ແລະ ຈັນຍາບັນ – ຈັນຍາທໍາ ຂອງຜູ້ພິພາກສາ.

ໂຄງການ LCT ຈັດຕັ້ງປະຕິບັດໂດຍກະຊວງ ອຸດສາຫະກໍາ ແລະ ການຄ້າ ໂດຍໄດ້ຮັບການສະໜັບສະໜູນດ້ານວິຊາການ ແລະ ການເງິນຈາກທະນາຄານໂລກ ແລະ ສົມທົບທຶນເພີ່ມເຕີມຈາກປະເທດອົດສະຕາລີ, ໄອແລນ ແລະ ສະຫະລັດອາເມລິກາ. ໂຄງການດັ່ງກ່າວ ມີຈຸດປະສົງເພື່ອຫຼຸດຜ່ອນອຸປະສັກ ທີ່ກີດຂວາງການຂະຫຍາຍຕົວຂອງພາກເອກະຊົນ ໂດຍຜ່ານການປັບປຸງສະພາບແວດລ້ອມ ດ້ານການດໍາເນີນທຸລະກິດ ແລະ ດ້ານລະບຽບການຕ່າງໆ, ຫຼຸດຜ່ອນຕົ້ນທຶນການຄ້າ ແລະ ເພີ່ມທະວີຄວາມສາມາດ ໃນການແຂ່ງຂັນຂອງພາກທຸລະກິດ.